ကွန်မြူနစ်ပါတီကြေညာစာတမ်း ထုတ်ဝေခြင်း နှစ် ၁၆၀ မြောက်နေ့ကို အထိမ်းအမှတ်ပြုခြင်း

(၁) လွန်ခဲ့တဲ့အနှစ် (၄၀)ကျော်၊ ကျွန်တော်ကျောင်းသားဘ၀က ဗမာပြည်ကွန်မြူနစ်ပါတီနဲ့ သူ့ရဲ့လမ်းညွန်အတွေး တွေးအခေါ်ဖြစ်တဲ့မာ့က်စ်လီနင်ဝါဒနဲ့ မော်စီတုန်းအတွေးအခေါ်တို့ကို စတင်စိတ်ဝင်စား၊ လေ့လာလိုက်စားတယ်။ ဒီလိုနဲ့ ကျွန်တော်တို့ရှေ့ကနောင်တော်မျိုးဆက်ရဲဘော်ကြီးများက ကွန်မြူနစ်ကြေညာစာတမ်းကို လေ့လာဖို့ တာ ၀န်ယူစိတ်ရှိစွာနဲ့ တိုက်တွန်းလာတယ်။ ဒါနဲ့ ကွန်မြူနစ်ကြေညာစာတမ်းကို လိုက်ရှာပါတယ်။ ကျွန်တော်တို့ခေတ် ကဗိုလ်နေ၀င်းတက်စခေတ်မို့ အဲ့ဒီလိုစာအုပ်မျိုးတွေကို စာအုပ်အဟောင်းဈေးတန်းတွေမှာ အလွယ်တကူ လိုက် ရှာလို့ရပါသေးတယ်။ ကျွန်တော်လည်း အဲဒီလိုလိုက်ရှာဝယ်ခဲ့တယ်။ နှစ်တွေကြာသွားပြီးမို့ ဘယ်စာအုပ်တိုက်က ထုတ်တယ်။ တန်ဖိုးဘယ်လောက်စတာတွေကို မမှတ်မိတော့ပါဘူး။ မှတ်မိတာကတော့ အဲဒီစာအုပ်ရဲ့ အဖုံးဟာ အနီရောင်ဆိုတာပါပဲ။
အခုတော့ အဲဒီကွန်မြူနစ်ကြေညာစာတမ်းလို့ အလွယ်တကူခေါ်၊ နှုတ်ကျိုးနေတဲ့ ကွန်မြူနစ်ပါတီ ကြေညာစာတမ်း ထုတ်ဝေတာ လာမယ့် ၂၀၀၈ ဖေဖော်ဝါရီလဆိုရင် နှစ် ၁၆၀ တင်းတင်းပြည့်ပါတော့ မယ်။
ဒီစာအုပ်ဟာ ကွန်မြူနစ်များရဲ့ လက်စွဲကျမ်းတဆူဖြစ်တယ်။ ဗမာပြည်မှာ ဗမာပြည်ကွန်မြူနစ်ပါတီက နှစ် ကြိမ်တောင်ထုတ်ဝေခဲ့ပြီးပါပြီ။ ဗမာပြည်မှာကွန်မြူပါတီကြေညာစာတမ်း ပထမဆုံးအကြိမ် ထုတ်ဝေခဲ့တာနဲ့ ပတ်သက်လို့ ပါတီရဲ့လွတ်မြောက်ဒေသ ဘာသာပြန်နဲ့ စာပုံနှိပ်တိုက်က ဒုတိယအကြိမ် ပုံနှိပ်ထုပ်ဝေတဲ့ ကွန်မြူ နစ်ပါတီကြေညာစာတမ်း စာအုပ် အမှာစကား မှာ ကွယ်လွန်သွားပြီးဖြစ်တဲ့ ဗမာပြည်ကွန်မြူနစ်ပါတီ ဥက္ကဋ္ဌ သခင် ဗသိန်းတင်က ခုလိုရေးထားတယ်။
၁၉၄၇ ခုနှစ်က လန်ဒန်မှာ ကျင်းပတဲ့ ဗြိတိသျှအင်ပါယာအတွင်းရှိ ကွန်မြူနစ်ပါတီများ ကွန်ဖရင့်မှာ ဆုံးဖြတ် ချက်တစ်ခု ချခဲ့တယ်။ ဒီဆုံးဖြတ်ချက်ကတော့ ၁၉၄၈ ခုနှစ်ဟာ ကွန်မြူနစ်ကြေညာစာတမ်း ထုတ်ပြန်တာ အနှစ် ၁၀၀ ဖြစ်တဲ့အတွက် တတ်နှိင်တဲ့ကွန်မြူနစ်ပါတီများက မိမိတို့တိုင်းရင်းသားဘာသာစကားဖြင့် ဘာသာပြန်ပုံနှိပ် ထုတ်ဝေကြရာနှင့် မိတ္တူ ၅အုပ်မှ ၁၀ အုပ်လောက်ကို လန်ဒန်မြို့ရှိ မာ့က်စ်အထိမ်းအမှတ် ဗိမ္မာန်မှာ ထားရှိရန် ဆုံး ဖြတ်ခဲ့တယ်။
ဒီိအစည်းအဝေးကို ကျနော်တို့ပါတီကလည်း ကိုယ်စားလှယ်အဖွဲ့ စေလွတ်ခဲ့တယ်။

ဒီဆုံးဖြတ်ချက်အတိုင်း ၁၉၄၈ ခုနှစ်စောပိုင်းမှာ ဗမာပြည်ကွန်မြုနစ်ပါတီ ဗဟိုကော်မတီက ဒီိစာအုပ်ကို ဘာ သာပြန်ပြီး ထုတ်ဝေခဲ့တယ်။ မိတူ ၁၀စော်ကိုလည်း လန်ဒန်မြို့ရှိ မာ့က်စ်အထိမ်းအမှတ် ဗိမာန်သို့ပို့ခဲ့တယ်။
ပထမအကြိမ် ပုံနှိပ်ထုတ်ဝေခြင်းကို ဗမာပြည်ကွန်မြူနစ်ပါတီ ဗဟိုကော်မတီ၊ ပြည်သူ့အာဏာ စာပုံနှိပ်တိုက် ရန်ကုန်က ထုတ်ဝေခဲ့တယ်။ ဒုတိယအကြမ်ကိုတော့ အထက်မှာဖော်ပြထားတဲ့အတိုင်း ဗမာပြည်ကွန်မြူနစ်ပါတီ လွတ်မြောက်ရေးဒေသ ဘာသာပြန်နဲ့ စာပုံနှိပ်ဌာက ၁၉၇၇ ခုနှစ်မှာ ထုတ်ဝေခဲ့ပါတယ်။
စစ်အေးခေတ် အဆုံးသတ်သွားတော့ အရင်းရှင်ဂိုဏ်းသားတွေက ဆိုရှယ်လစ်စနစ် ကမ္ဘာပေါ်က ပျောက် ကွယ်သွားပြီး မာ့က်စ်ဝါဒ ရှုံးနိမ့်သွားပြီး မာ့က်စ်ဝါဒ ခေတ်မမီတော့ဘူး စသဖြင့် အမျိုးမျိုးဝါဒဖြန့်နေတဲ့ကြားကပဲ ကွန်မြူနစ်ပါတီကြေညာစာတမ်း ဟာဘာသာပေါင်း ၂၀၀ကျော်အထိ ပုံနှိပ်ထုတ်ဝေခဲ့ရပြီး ဒီနေ့ကမ္ဘာပေါ်မှာ အ ကျယ်ပြန့်ဆုံးပုံနှိပ်ထုတ်ဝေခဲ့ရတဲ့ စာအုပ်ဖြစ်တယ်ဆိုတဲ့သတင်း ၁၉၉၈ ခုနှစ် ကြေညာစာတမ်းထုတ်ဝေပြီး နှစ် ၁၅၀ အကြာမှာထွက်ပေါ်ခဲ့တယ်။
ကျွန်တော်တို့ပါတီရဲ့ မှတ်တမ်းများအရ ဒီကျမ်းထုတ်ဝေတာ ၁၄၀ ပြည့်နှစ်ဖြစ်တဲ့၊ စစ်အေးခေတ်အဆုံးမ သတ်မီ ၁၉၈၈ခုနှစ်အထိ ကမ္ဘာ့ဘာသာစာပေပေါင်း ၁၀၀ကျော်မျှလောက်သာ ပုံနှိပ်ထုတ်ဝေရသေးတယ်လို့ ပြော နိုင်ပါတယ်။ ဒါကိုဗမာပြည်ကွန်မြူနစ်ပါတီရဲ့ အာဘော်ပြည်သူ့အာဏာ ဂျာနယ် (၁၉၈၈ ခု၊ အမှတ် ၂) မှာဖော်ပြ ခဲ့ဖူးတယ်။
အဲဒီနောက် ၁၀နှစ်ကျော်ကြာသွားပြီး ဒီကျမ်းထုတ်ဝေတာ နှစ်ပေါင်း၁၅၀ ကျော်ကြာသွားတဲ့အခါ ဘာ သာပေါင်း ၂၀၀ ကျော်နဲ့ ဘာသာပြန်ထုတ်ဝေရတဲ့အထိ တိုးတက်လာတယ်။ ၁၀နှစ်တာကာလအတွင်း ဘာသာပေါင်း၁၀၀ကျော် တိုးတက်လာတဲ့သဘောပဲ။ ဒီ၁၀နှစ်ကျော်ကာလဟာလည်း သာမန်၁၀နှစ်တာကာလ မဟုတ်ဘဲ၊ ဆိုရှယ်ဝါဒ၊ ကွန်မြူနစ်ဝါဒအနေနဲ့ ပြင်းထန်လှတဲ့ အကွေ့ကောက်၊ ရှုံးနိမ့်မှုကြီးကို ရင်ဆိုင်နေရတဲ့ကာ လ၊ မာ့က်စ်ဝါဒခေတ်မမီတော့ပါဘူးလို့ အရင်းရှင်ဂိုဏ်းသားတွေက အကြီးအကျယ်ဝါဒဖြန့်နေတဲ့ကာလဖြစ်တာကို သတိပြုချင်စရာအလွန်ကောင်းပါတယ်။ ဒါကဘာကိုဖော်ပြနေသလဲ။ အရင်းရှင်းဂိုဏ်းသားတွေ ၀ါဒဖြန့်နေတာနဲ့ ဆန့်ကျင်စွာ ကမ္ဘာ့ပြည်သူတွေဟာ အရင်းရှင်စနစ်ရဲ့ အနိဋ္ဌာရုံတွေကို ကျော်နင်းရေးအတွက် မာ့စ်က်ဝါဒကို စိတ်ပါဝင်စားစွာ ဖတ်ရှုလေ့လာလိုက်စားလိုချင်ကြကြောင်း ဖော်ပြလိုက်တာမဟုတ်လား။
အခုလာမည့် ၂၀၀၈ခုနှစ်ဟာ ကွန်မြူနစ်ပါတီ ကြေညာစာတမ်း ထုတ်ဝေသော နှစ်၁၆၀မြောက် ကာလ ဖြစ်တယ်။ ဒီနေ့ထူးနေ့မြတ်ကို ဂုဏ်ပြုတဲ့အနေနဲ့ ဗမာပြည်ကွန်မြူနစ်ပါတီက အခက်အခဲ အကျပ်အတည်း အမျိုး မျိုးအကြားကပဲ ကွန်မြူနစ်ကြောညာစာတမ်းကို တတိယအကြိမ် ပုံနှိပ်ထုတ်ဝေဖို့ လုံးပန်းအားထုတ်လျက်ရှိပါ တယ်။
အခုနောက်ဆုံးစူးစမ်းလေ့လာချက်များအရ ကမ္ဘာ့နိုင်ငံအသီးသီးက ကွန်မြူနစ်ပါတီကြေညာစာတမ်းကို ပုံနှိပ်ထုတ်ဝေခဲ့တဲ့ အကြိမ်ပေါင်း ၁၀၀၀ကျော်ရှိသွားပြီးလို့ တရုတ်ဘာသာနဲ့ ထုတ်ဝေတဲ့ မျက်မှောက်ကမ္ဘာနဲ့ ဆိုရှယ်လစ်ဝါဒ ဂျာနယ် (၂၀၀၇ အမှတ်၂)မှာ ဖော်ပြထားတာကို ဖတ်ရှုလိုက်ပါတယ်။
(၂) ဒီကျမ်းဟာ ကမ္ဘာပေါ်မှာ ပထမဆုံးသော ကွန်မြူနစ်ပါတီ-ကွန်မြူနစ်အဖွဲ့ချုပ်ရဲ့ လုပ်ငန်းစဉ်လည်း ဖြစ်တယ်။ မာ့က်စ်ဝါဒကို ပါတီလုပ်ငန်းစဉ်အဖြစ် ပထမဆုံးအကြိမ်အနေနဲ့ ဖော်ပြလိုက်ခြင်းဖြစ်သလို မာ့က်စ်ဝါဒ ဟာပြည့်စုံကုံလုံတဲ့စနစ်တရပ်အဖြစ် ပထမဆုံးအကြိမ် ပေါ်ထွက်လာခြင်းဖြစ်တယ်။ နိုင်ငံတကာကွန်မြူနစ်လှုပ် ရှားမှုရဲ့ လုပ်ငန်းစဉ်သဘောဆောင်တဲ့ မော်ကွန်းဝင်စာတမ်းလည်းဖြစ်တယ်။ ကွန်မြူနစ်အဖွဲ့ချုပ်ရဲ့ ဒုတိယကွန်ဂ ရက်က တာဝန်ပေးအပ်မှုအရ မာ့က်စ်နဲ့အိန်ဂယ်တို့ဟာ ၁၈၄၇ခု၊ ဒီဇင်ဘာလမှ ၁၈၄၈ခု၊ ဇန်န၀ါရီလအတွင်း ရေးသားခဲ့ကြတာပါ။ အဲဒီနှစ် ဖေဖော်ဝါရီလမှာ ပထမဆုံးအကြိမ်အဖြစ် ဂျာမာန်ဘာသာနဲ့ လန်ဒန်မှာ ထုတ်ဝေခဲ့ တယ်။ အဲဒီနောက် ဘာသာအမျိုးမျိုးနဲ့ ဘာသာပြန်ပြီး ကမ္ဘာ့နိုင်ငံအသီးသီးမှာ ပုံနှိပ်ထုတ်ဝေခဲ့ကြတယ်။ အဲဒီလို ဘာသာအမျိုးမျိုးနဲ့ ပုံနှိပ်ထုတ်ဝေရာမှာ မာ့က်စ်နဲ့ အိန်ဂယ်တို့က နိဒါန်းရေးပေးကြပါတယ်။ စုစုပေါင်း ၇ကြိမ်အထိ ရှိခဲ့တယ်။
ဒီကျမ်းစာအုပ်မှာ အခန်း ၄ ခန်းပါဝင်တယ်။
ပထမဆုံးအခန်းကတော့ ဓနရှင်များနဲ့ ပစ္စည်းမဲ့များဆိုတဲ့ အခန်းပဲ။ ဒီအခန်းက အရင်းရှင်စနစ်ဟာ မုချပျက်သုဉ်းချုပ်ငြိမ်းပြီး၊ ဆိုရှယ်လစ်စနစ်ဟာ မုချအောင်ပွဲခံလိမ်မယ်ဆိုတဲ့ သမိုင်းဖြစ်ပေါ်တိုးပွားမှုဦးတည်ချက် တို့ကို သက်သေထူပြထားတာပါ။ သမိုင်းခေတ်တိုင်းရဲ့ စီးပွားရေး၊ ထုတ်လုပ်ရေးနဲ့ ၄င်းကဖန်းတီးလိုက်တဲ့ လူမှု ရေးအဆောက်အအုံဟာ ၄င်းခေတ်နိုင်ငံရေးစိတ်ဓါတ်နဲ့ သမိုင်းရဲ့ အခြေခံအုတ်မြစ်ဖြစ်တယ်လို့ ညွန်ပြလိုက် တယ်။ လူတန်းစားတိုက်ပွဲသမိုင်းဟာ ဖြစ်တယ်ဆိုတဲ့ အမြင်ကိုလည်း တင်ပြထားတယ်။ ဒီအမြင်အရ မျက်မှောက်အရင်းရှင်လူတန်းစား လူ့အဖွဲ့အစည်းကို ခွဲခြားစိတ်ဖြာပြထားတယ်။ အရင်းရှင်လူ့အဖွဲ့အစည်းအတွင်း အပြန်အလှန် ဆန့်ကျင်ဖက်ဖြစ်နေတဲ့ အရင်းရှင်လူတန်းစားနဲ့ ပစ္စည်းမဲ့လူတန်းစား၊ ဒီလူတန်းစား ၂ရပ်ဖြစ်ပေါ် လာမှုဖြစ်တည်လာမှုနဲ့ ဖြစ်ထွန်းတိုးတက်လာမှုတို့ကို ရှင်းလင်းပြထားတယ်။ အရင်းရှင်လူတန်းစားဟာ သမိုင်းမှာ တော်လှန်တဲ့အခန်း ရှိခဲ့ဖူးတယ်။ ဒါပေမဲ့ စက်မှုလုပ်ငန်းကြီးတွေ ဖြစ်ထွန်းတိုးတိုက်လာတာနဲ့အမျှ ၄င်းက ပဒေသရာဇ်လူတန်းစားကို တော်လှန်တဲ့ လက်နက်တနည်းအားဖြင့် ခေတ်မီတဲ့ ထုတ်လုပ်ရေးစွမ်းအားစုဟာ အရင်းရှင်လူတန်းစားကို သေတွင်းပို့လိုက်တဲ့ လက်နက်ဖြစ်သွားတော့တယ်လို့လည်း ထောက်ပြထားပါတယ်။
ပစ္စည်းမဲ့လူတန်းစားဟာ အရင်းရှင်လူတန်းစားကို မြေမြှုပ်သင်္ဂြိုဟ်သူဖြစ်သလို တကယ့်တော်လှန်တဲ့ လူတန်းစားလည်းဖြစ်တယ်။ ပစ္စည်းမဲ့လူတန်းစားဟာ မိမိရဲ့သမိုင်းပေးတာဝန်ကို အကောင်အတည်ဖော်နိုင်ရေးအ တွက် အရင်းရှင်းလူတန်းးစားကို အကြိမ်းဖက် တွန်လှန်ပြီး မိမိရဲ့ နိုင်ငံရေး စိုးမိုမှုကို ထူထောင်ရမယ်။ အရင်းရှင်လူတန်းစားပျက်သုဉ်းသွားရမှုနဲ့ ပစ္စည်းမဲ့လူတန်းစားအောင်ပွဲရမှုဟာ ခွဲခြားလို့မရနိုင်တဲ့ အရာတွေဖြစ် တယ်လို့ ညွန်ပြလိုက်တယ်။ ဒုတိယအခန်းကတော့ “ပစ္စည်းမဲ့များနဲ့ ကွန်မြူနစ်များ” ကွန်မြူနစ်ပါတီ၊ ပစ္စည်းမဲ့များနဲ့ အခြားအလုပ်သမားပါတီတို့ရဲ့ ဆက်စပ်မှုကို ရှင်းပြထားတယ်။ ကွန်မြူနစ်ပါတီရဲ့ လက္ခဏာ၊ ထူးခြာချက်နဲ့ လုပ်ငန်းတာဝန်များကိုလည်း ရှင်းပြထားပြီး၊ ကွန်မြူနစ်တွေအပေါ် အမျိုးမျိုးသော ပြစ်တင်ဝေဖန်မှုများကို ချေပခဲ့ပါတယ်။ ပစ္စည်းမဲ့လူတန်းစား တော်လှန်ရေးရဲ့ ခြေလှမ်းအဆင့်ဆင့်၊ တာဝန်နဲ့ အထွေထွေရည်မှန်းချက်ကို တင်ပြထားပါသေးတယ်။ ကွန်မြူနစ်ပါတီဟာ တခြားအလုပ်သမား နိုင်ငံရေးပါတီတွေနဲ့ အပြန်အလှန်အတိုက်အခံဖြစ်နေတဲ့ သီခြားနိုင်ငံရေးပါတီမဟုတ်ဘူး။ ကွန်မြူနစ်ပါတီမှာ ပစ္စည်းမဲ့လူတန်းစားတရပ်လုံးရဲ့ အကျိုးစီးပွားမှလွဲလို့ တခြားဘာအကျိုးစီးပွားမှ မရှိဘူး။ ကွန်မြူနစ်ပါတီတွေက ပစ္စည်းမဲ့လူတန်းစားတရပ်လုံးကို အမျိုးသားတရပ်လုံးရဲ့ အကျိုးစီးပွားတလျှောက်လုံး ကိုယ်စားပြုရေးကို အလေးထားပါတယ်။ ကွန်မြူနစ်တွေဟာ လက်တွေ့အကောင်အထည်ဖော်ဆောင်တဲ့လက်မှာ နိုင်ငံအသီးသီးရှိ အလုပ်သမားပါတီများအတွင်း အပြတ်သားဆုံးဖြစ်သလို လှုပ်ရှားမှုအား ရှေ့သို့တိုးတက်သွားရေးကို တလျှောက်လုံး တွန်းဆော်ခဲ့တဲ့ အစိတ်အပိုင်းလည်း ဖြစ်တယ်။ သဘောတရားရေးဘက်မှာ ကွန်မြူနစ်တွေဟာ ပစ္စည်းမဲ့လူတန်းစားလူထုထက် လှုပ်ရှားမှုရဲ့အခြေအနေ၊ ဖြစ်စဉ်နဲ့ ယေဘုယျရလဒ်တွေကို နားလည်ပါတယ်။ သူတို့ရဲ့ လောလောဆယ်ဆယ် ရည်မှန်းချက်ကတော့ ကစ္စည်းမဲ့လူတန်းစားကို လူတန်းစားတရပ်အဖြစ် ဖြစ်တည်စေပြီး အရင်းရှင်လူတန်းစားကို တွန်းလှန်ပြီး၊ သူတို့ရဲ့သဘောတရားကို တစုံတရာသော အဓိပ္ပါယ်အရ စုစည်းပေါင်းချုပ်ဖော်ပြရရင် ပုဂ္ဂလိကပိုင်စနစ်ကို ချေမှုန်းပစ်ရေးလို့ ပြောနိုင်ပါတယ်။
အလုပ်သမားလူတန်းစား တော်လှန်ရေးရဲ့ ပထမခြေလှမ်းဟာ ပစ္စည်းမဲ့လူတန်းစားကို အုပ်စိုးသူလူတန်းစားအဖြစ် မြှင့်တင်ပေးရေးနဲ့ ဒီမိုကရေစီရရှိရေးတို့ ဖြစ်တယ်။ အဲဒီနောက် မိမိရဲ့နိုင်ငံရေးအရ စိုးမိုးထားမှုကို အသုံးချပြီး အရင်းအနှီးအားလုံးကို သိမ်းပိုက်ရပါမယ်။ ထုတ်လုပ်ရေးကိရိယာအားလုံး နိုင်ငံတော် တနည်းအားဖြင့် အုပ်စိုးသူလူတန်းစားအဖြစ် စည်းရုံးထားရှိတဲ့ ပစ္စည်းမဲ့လူတန်းစားလက်ထဲ ထားရှိသွားရမယ်။ ထုတ်လုပ်ရေးစုစုပေါင်းပမာဏကို မြန်နိုင်သမျှမြန်အောင် တိုးတက်စေရမယ်။ လူတန်းစားတည်ရှိမှုနဲ့ ပစ္စည်းမဲ့ လူတန်းစားကိုယ်တိုင်ရဲ့ အုပ်စိုးမှုကို တဖြည်းဖြည်းချင်း ဖျက်သိမ်းပစ်ရလိမ့်မယ်။ ဒီလိုနည်းနဲ့ ပစ္စည်းမဲ့လူတန်းစား ရဲ့ ရည်မှန်းချက်ပန်းတိုင်ကို လုံးပန်းတိုက်ခိုက် အကောင်အထည်ဖော်သွားရမယ်။ ဆိုလိုတာကတော့ လူတဦးချင်းစီရဲ့ လွတ်လပ်စွာဖွံ့ဖြိုးတိုးတက်ရေးဟာ လူအားလုံးရဲ့ လွတ်လပ်စွာဖွံ့ဖြိုးတိုးတက်ရေးအတွက် အကြောင်းအချက်ဖြစ်တဲ့ အစည်းအရုံးတခုကို ထူထောင်သွားဖို့ဖြစ်တယ်။
တတိယအခန်းကတော့ “ဆိုရှယ်လစ်နဲ့ ကွန်မြူနစ်စာပေ” ဖောက်ပြန်တဲ့ ဆိုရှယ်လစ်ဝါဒအမျိုးမျိုးနဲ့ ဓနရှင် ဆိုရှယ်လစ်ဝါဒတို့က ကိုယ်စားပြုနေတဲ့ လူတန်းစားအကျိုးစီးပွားကို ဖွင့်ချထားပါတယ်။ စိတ်ကူးယဉ် ဆိုရှယ်လစ်ဝါဒဟာ ကွန်မြူနစ်ဝါဒနဲ့ သိပ္ပံနည်းကျ ဆိုရှယ်လစ်ဝါဒရဲ့ နည်းပရိယာယ်၊ အခြေခံမူတွေနဲ့ ကွဲပြားကြောင်းကိုလည်း ရှင်းလင်းဖော်ပြထားတယ်။
စတုတ္ထအခန်းမှာ “ဆန့်ကျင်ဘက်ပါတီအသီးသီးအပေါ် ကွန်မြူနစ်တွေရဲ့ သဘောထား” တဲ့။ ဒီအခန်းမှာ ကွန်မြူနစ်တွေရဲ့ နည်းပရိယာယ်နဲ့ အခြေခံမူတွေကို ရှင်းလင်းပြထားတယ်။ လက်ငင်းအကျိုးစီးပွားနဲ့ ရေရှည်အကျိုးစီးပွား၊ မျက်မှောက်တိုက်ပွဲနဲ့ ကွန်မြူနစ်ဝါဒ ထွေထွေရည်မှန်းချက် အကောင်အထည်ဖေါ်ရေး တိုက်ပွဲတို့ကို အပြန်အလှန်ပေါင်းစပ် အကောင်အထည်ဖော်သွားရေးကို အလေးထားကြရန် ရှင်းပြထားပါတယ်။ ကွန်မြူနစ်တွေဟာ မိမိလူတန်းစားရဲ့ လတ်တလောရည်မှန်းချက်နဲ့ အကျိုးစီးပွားအတွက် တိုက်ပွဲဝင်ကြရမယ်။ ဒါပေမဲ့ လက်ငင်းလှုပ်ရှားမှုဟာ လှုပ်ရှားမှုရဲ့ အနာဂတ်ကိုလည်း ကိုယ်စားပြုရမယ်လို့လည်း ညွှန်ပြထားတယ်။ ကွန်မြူနစ်တွေဟာ တော်လှန်တဲ့ နိုင်ငံရေးပါတီတွေနဲ့ ပေါင်းစပ်နိုင်ရမယ်။ တချိန်တည်းမှာလည်း ပစ္စည်းမဲ့လူတန်းစား နိုင်ငံရေးပါတီရဲ့ အမှိခိုကင်းမှုကိုတော့ စွဲစွဲမြဲမြဲထိန်းသိမ်းသွားဖို့ လိုအပ်တယ်လို့လည်း ညွှန်ပြထားတယ်။ အထူးသဖြင့် ဂျာမန်ကွန်မြူနစ်တွေ ကြုံတွေ့နေရတဲ့ ဂျာမန်ဓနရှင်တော်လှန်ရေးမှာ ကျင့်သုံးတဲ့ သဘောထားတွေကို ညွှန်ပြထားတာပါ။
နောက်ဆုံးဖော်ပြထားတာကတော့ တည်ရှိနေတဲ့ လူမှုစနစ်အားလုံးကို အကြမ်းဖက်တွန်းလှန်နိုင်မှသာ ကွန်မြူနစ်တွေရဲ့ ရည်မှန်းချက်ပန်းတိုင်ကို ရောက်နိုင်လိမ့်မယ်။ ဒါကြောင့် “ကမ္ဘာတ၀န်းရှိ ပစ္စည်းမဲ့များ သွေးစည်းညီညွတ်ကြလော့” လို့ ကြွေးကြော်သံတင်ပြထားတယ်။
ဒီကြေငြာစာတမ်းကို ထုတ်ဝေပြီးနောက် ဒီစာတမ်းဟာ တလျှောက်လုံး တိုင်းပြည်အသီးသီးရှိ ကွန်မြူနစ်တွေနဲ့ ပစ္စည်းမဲ့လူတန်းစားတော်လှန်ရေးရဲ့ လက်တွေ့အကောင်အထည်ဖော် ဆောင်ရွက်တဲ့ လုပ်ငန်းစဉ်ဖြစ်လာခဲ့တယ်။
ဒီနေ့ကမ္ဘာကြီးမှာ အရင်းရှင်စနစ် လွှမ်းမိုးထားဆဲဖြစ်တယ်။ ဓနရှင်လူတန်းစားနဲ့ ပစ္စည်းမဲ့လူတန်းစားတို့ တည်ရှိနေတုန်းပါပဲ။ ဒီလို လူတန်းစားကွဲပြားမှုတွေ၊ ဖိနှိပ်မှုတွေရှိနေသေးသမျှ “ကွန်မြူနစ်ကြေညာစာတမ်း” ကို လေ့လာသူတွေ ပုံနှိပ်ထုတ်ဝေသူတွေ ရှိနေဦးမှာ မုချမလွဲပါပဲ။

ပြည်သူ့အာဏာဂျာနယ် အမှတ် - ၂၉ မှ ပြန်လည်ဖေါ်ပြပါသည်။